Kugenzura ishyirwa mu bikorwa ry’Amasezerano mpuzamahanga yerekeye Ubringanire n’Ubwuzuzanye bw’Abagore n’Abagabo

1. Intangiriro

Imwe mu nshingano z’ingenzi z’Urwego rw’Igihugu rushinzwe kugenzura Iyubahirizwa ry’ihame ry’Uburinganire n’Ubwuzuzanye bw’Abagore n’Abagabo mu iterambere ry’igihugu (GMO), ni ugukurikirana no kugenzura ishyirwa mu bikorwa ry’amasezerano, ibyemezo na gahunda u Rwanda rwemeje haba mu Karere no ku rwego mpuzamahanga byerekeye guteza imbere uburinganire n’ubwuzuzanye bw’abagore n’abagabo no kongerera ubushobozi abagore. Ibi bikubiyemo gusesengura ibikibangamiye ishyirwa mu bikorwa ry’izo nshingano no gutanga ibyifuzo n'inama bigamije kunoza imikorere.

2.Ibyagezweho by’Ingenzi

Gutegura raporo zigaragaza uko igihugu gihagaze mu kubahiriza uburinganire: 

GMO yakoze raporo zitandukanye zigaragaza uko u Rwanda rushyira mu bikorwa amasezerano na gahunda mpuzamahanga rwiyemeje kubahiriza. Izo harimo, Raporo y’Igihugu ku Ishyirwa mu Bikorwa rya Beijing +20 (Kamena 2014); Raporo ku ruhare rw’abagore mu kubaka amahoro no gukemura amakimbirane mu Rwanda, ikubiyemo isesengura ry’ishyirwa mu bikorwa rya Gahunda y’Igihugu y’Ibikorwa ya 2009–2012 yerekeye Icyemezo 1325 cy’Akanama k’Umuryango w’Abibumbye gashinzwe Umutekano (UNSCR 1325) (Kanama 2015). 

Izi raporo zishobora gusomwa no gukururwa hifashishijwe indangarubuga zikurikira:

• Beijing +20 Country Report, June 2014

• Role of women in Peace building and conflict resolution in Rwanda. Evaluation of the Implementation of the 2009-2012 National Action Plan for , UNSCR 1325, August 2015