Kuwa Kabiri Tariki ya 24 Nzeri 2024 Mu karere ka Gakenke mu Murenge wa Ruli hatangijwe, icyumweru cyahariwe ibikorwa byo kwimakaza ihame ry’uburinganire. Iki cyumweru cyateguwe n’Intara y’Amajyaruguru ku bufatanye  n’Urwego rushinzwe kugenzura iyubahirizwa ry’Ihame ry’Uburinganire n’Ubwuzuzanye bwa’Abagore n’Abagabo mu Iterambere ry’Igihugu (GMO.

Iki cyumweru gifite insanganyamatsiko igira iti : Twimakaze ihame ry’uburinganire , Dushyira Umuturage ku Isong”  cyatangiye kuw Kabiri tariki 24-30 Nzeri 2024 mu Turere twose tugize Intara y’Amajyaruguru.

Umuhango wo gutangiza iki Cyumweru witabiriwe na Minisitiri w’Uburinganire n’iterambere ry’umuryango madamu Uwimana Consolée, Umugenzuzi Mukuru w’uburinganire  madamu  Umutoni Gatsinzi Nadine,Guverineri w’Intara y’Amjyaruguru Mugabowagahunde Maurice,  Umuyobozi w’Akarere kaGakenke Mukandayisenga Vestine, abaturage b’imirenge itandukanye y’Akarere , abafatanyabikorwa batandukanye n’inzego z’umutekano.

Mu tundi turere iki cyumweru cyatangirijwe mu nteko z’abaturage mu mirenge itandukanye. M Karere ka Musanze cyatangirijwe mu Murenge wa Kinigi , Akarere ka Gicumbi cyatangirijwe mu murenge wa Cyumba,  Akarere ka rurindo cyatangirijwe mu murenge wa Murambi n’Akarere ka Burera mu murenge wa Cyanika.

Mu gutangiza iki cyumweru mu Karere ka Gakenke mu Murenge wa Ruli haseranye imiryango 14 yabanaga mu buryo butemewe n’amatageko.Iyi miryango yiyemeje kuba intangarugero mu kwimakaza ihame ry’uburinganire no kuba iya mbere mu kurwanya amakimbirane abera mu miryango aho ituye.

“Twimakaze ihame ry’uburinganire, dushyira umuturage ku isonga Intego twese duhuriyeho akaba ari ukwisuzuma aho tugeze twimakaza ihame ry’uburinganire ndetse n’itangwa rya serivisi zinoze ku bahuye ni hohotera rishingiye ku gitsina” Umugenzuzi Mukuru w’Uburinganire Umutoni Gatsinzi Nadine agaruka ku ntego z’iki cyumweru.

Umugenzuzi Mukuru w’Uburinganire Umutoni Gatsinzi Nadine

Yakomeje avuga ko asaba ko abitabiriye itangizwa ry’iki cyumweru gusigasira ibyiza byagezweho mu kwimakaza ihame ry’uburinganire no ku rwanya ihohotera rishingiye ku gitsina ndetse no kurushaho kwihutisha gukemura ibibazo bikigaragara birimo:Gusambanya abana bikanabaviramo kubyara imburagihe, amakimbirane mu miryango, kurwanya imirire mibi, abana bata ishuri, gukoresha abana  imirimo ivunanye bikabavutsa amahirwe yo kwiga.

Minisitiri w’Uburinganire n’iterambere ry’Umuryango Madamu Uwimana Consolée akaba umushyitsi mukuru muri ibi birori yagize ati “Dukumire imirire mibi n’igwingira mu bana bato; - Dufasha abaturage kumva neza akamaro k’ibigo mbonezamikurire (ECDs), - Dukumira ibibazo byugarije abangavu n’ingimbi mu miryango yacu ( ibiyobyabwenge, ubuzererezi..) - Turwanuya ihohotera rivamo ihungabana ryo mumutwe, uburwayi budakira, gutwita imburagihe no guta ishyuri”.

Minisitiri w’Uburinganire n’iterambere ry’Umuryango Madamu Uwimana Consolée

Muri iki cyumweru mu turere twose tugize intara y’Amajyaruguru harimo gukorwa ibikorwa bitandukanye birimo: Gusezeranya imiryango yari isanzwe ibana mu buryo butemewe n’amategeko,Ubugenzuzi mu bitabo by'irangamimerere n’imidugudu y’icyitegererezo,Kubarura no kwandika abana batanditse mu irangamimerere ,Ibiganiro n’abangavu bahohotewe bakabyara imburagihe no kubaha serivisi zitandukanye,Umuganda udasanzwe uzibanda kubikorwa bijyanye no guteza imbere imirire myiza kubana,biganiro mu itangazamakuru bigaruka ku ruhare rw’abaturage n’abafatanyabikorwa muri iki cyumweru. n’ibiganiro  n'ababyeyi bafite cyangwa barera abana bafite ubumuga.